Tarmoqlararo sanoat kooperatsiyasi doirasida mamlakatimizdagi yirik sanoat korxonalari o‘rtasida hamkorlikni yana-da rivojlantirish maqsadida, Navoiy kon-metallurgiya kombinati vakillari “Uzbekistan GTL” zavodiga tashrif buyurdi.

Tashrif davomida “NKMK” AJ boshqarmasining transport boshqarmasi, bosh mexanik bo‘limi, mahalliylashtirish dasturlarini shakllantirish va monitoring qilish bo‘limi mutaxassislari zavodning zamonaviy ishlab chiqarish quvvatlari, texnologik jarayonlari hamda “GTL” sintetik mahsulotlari va ularning sifat ko‘rsatkichlari bo‘yicha o‘tkazilgan tahlillar natijalari bilan yaqindan tanishtirildi.

Korxonalar vakillari o‘rtasida o‘tkazilgan uchrashuvda “Uzbekistan GTL” zavodida ishlab chiqarilayotgan dizel yoqilg‘isi Navoiy kon-metallurgiya kombinatining avtotransport vositalarida ishlatilayotganligi taʼkidlandi. Shuningdek, uchrashuvda amaldagi hamkorlik aloqalarini yana-da rivojlantirish hamda ikki tomonlama manfaatli hamkorlik istiqbollari yuzasidan muzokaralar olib borildi.

“NKMK” AJ Matbuot xizmati