• Yaratildi: 23.04.2021
• Yangilandi: 27.04.2021
• O'qildi: 2089

Samarali hamkorlik

23 aprel kuni Navoiy kon-metallurgiya kombinatida Respublika tarmoqlararo kooperatsiya sanoat yarmarkasi yanada qizg‘in tus oldi. Yarmarkada ishtirok etayotgan 600 dan ortiq korxonalar vakillari, tadbirkorlar o‘z mahsulotlari bilan ishtirok etayotgan ishlab chiqaruvchilar faol ishtirok etishdi. Tadbirda ko‘plab istiqbolli hamkorlik, kelishuvlarga erishildi.

Tadbirning tantanali qismida O‘zbekiston Respublikasi Prezidenti maslahatchisi o‘rinbosari G.Saidova, Iqtisodiy taraqqiyot va kambag‘allikni qisqartirish vaziri o‘rinbosari B.Abdinazarov, Navoiy viloyati hokimi Q.Tursunov, Navoiy kon-metallurgiya kombinati bosh direktori Q.Sanaqulov so‘z olib, ushbu nufuzli tadbirdan ko‘zlangan maqsad haqida o‘z fikr-mulohazalarini bildirishdi.

Shundan so‘ng ishtirokchilar NKMK, “Navoiyazot” AJ, “Qizilqumsement” AJ, “O‘zsanoatqurilishmateriallari” uyushmasi, “Gidro stanko servis” MCHJ singari yetakchi tarmoq korxonalari tomonidan o‘tkazilgan taqdimotlar bilan yaqindan tanishdilar.

Yarmarka qatnashchilari va OAV vakillari uchun Navoiy shahrida faoliyat olib borayotgan bir qator tadbirkorlik subyektlariga, shuningdek, Navoiy davlat konchilik instituti huzuridagi texnopark, institut iqtidorli o‘qituvchi va talabalari tomonidan namoyish etilgan innovatsion loyihalar ko‘rgazmasi, “Farhod” madaniyat saroyi kutubxonasiga press-tur tashkil etildi.

Yarmarka 24 aprel kuni ham o‘z ishini davom ettirdi.

NKMK Matbuot markazi.