• Yaratildi: 24.04.2024
• Yangilandi: 24.04.2024
• O'qildi: 769

Kombinat ishchi-xodimlarining huquqiy savodxonligi oshirilmoqda

“Navoiy kon-metallurgiya kombinati” AJda korrupsiyaga qarshi kurash siyosati qabul qilingan bo‘lib, uning ijrosi bo‘yicha tizimli ishlar olib borilmoqda.

Xususan, kombinat bo‘linmalarida ishchi-xodimlarning huquqiy savodxonligini oshirish bo‘yicha tadbirlar tashkil etilmoqda. Markaziy kon boshqarmasi 2-gidrometallurgiya zavodi, Markaziy taʼmirlash-mexanika sexi, Markaziy moddiy-texnika bazasi, Nazorat-o‘lchov asboblari va avtomatika markaziy laboratoriyasida “Korrupsiyaga qarshi kurash siyosati”, “Monopoliyaga qarshi komplayens tizimi”, “Odob-axloq qoidalari”, “Biz korrupsiyaga qarshimiz” va “Ogohlik davr talabi” mavzularida o‘quv-seminarlar o‘tkazildi.

Seminarlarda “NKMK” AJ Komplayens xizmati vakillari, Markaziy kon boshqarmasi mutaxassislari tomonidan mavzularga oid maʼruzalar qilinib, mamlakatimizda korrupsiya va monopoliyaga qarshi kurashish bo‘yicha olib borilayotgan amaliy ishlar va kombinatda xodimlarning Odob-axloq kodeksiga amal qilishi to‘g‘risida fikr-mulohazalar bildirildi.  

Shuningdek, seminarlarda ishchi-xodimlar o‘rtasida savolnomalar o‘tkazilib, mavzularga oid videoroliklar namoyish etildi.

“NKMK” AJ Matbuot xizmati.