• Created: 15.11.2022
• Updated: 15.11.2022
• Read: 2516

Oila – ibrat maskani bo‘lishi kerak!

15-noyabr kuni Navoiy shahridagi “NKMK tarixi” muzeyida “Oilada ijtimoiy va maʼnaviy muhitni sog‘lomlashtirish” va “Biz zo‘ravonlikka qarshimiz” mavzularida targ‘ibot-tashviqot tadbiri o‘tkazildi.

“Navoiy kon-metallurgiya kombinati” aksiyadorlik jamiyati hamda “NKMK jamg‘armasi” davlat muassasasiga qarashli bo‘linmalar xotin-qizlari ishtirok etgan tadbirda viloyat sudi sudyasi Gulnafis Hudoyberdiyeva, Ayollarni reabilitatsiya qilish va moslashtirish markazi direktori Nargiza Ermamatova, Alisher Navoiy nomli jomye masjidining maʼnaviy va maʼrifiy ishlar bo‘yicha bosh mutaxassisi Sohiba Arziqulova, “USAID” xalqaro tashkilotining Gender masalalari bo‘yicha treneri Latofat Haydarova, viloyat Oila va xotin-qizlar boshqarmasi bosh mutaxassisi Dilnoza G‘afforova hamda “Oqila ayollar harakati” aʼzolari ishtirok etishdi.

Unda oila mustahkamligining huquqiy asoslari, oilaviy nizolarga sabab bo‘layotgan psixologik omillar va ularning oldini olish choralari haqida so‘z yuritilib, maʼruzachilar tomonidan qonunchilikdagi yangiliklar, xotin-qizlar uchun mavjud imtiyozlar to‘g‘risida ham maʼlumot berdilar.

“NKMK” AJ Matbuot xizmati.