• Created: 01.03.2023
• Updated: 01.03.2023
• Read: 1566

Ixtisoslashtirilgan maktab o‘quvchilari bilan uchrashuv o‘tkazildi

Navbahor tumanidagi Ixtisoslashtirilgan maktabda “Navoiy kon-metallurgiya kombinati” aksiyadorlik jamiyati va Navoiy davlat konchilik va texnologiyalar universiteti vakillarining o‘quvchi yoshlar bilan uchrashuvi o‘tkazildi.

Uchrashuvda “NKMK” AJ Jamoatchilik bilan aloqalar bo‘yicha direktor X.Raupov, “Konchilar hayoti” gazetasi muharriri N.Sadriddinov, O‘zbekiston Respublikasi Prezidentining davlat stipendiyasi sohiblari, universitet doktoranti J.Narzullayev va 4-bosqich talabasi O.Xudoyberdiyev hamda maktab o‘qituvchi va o‘quvchilari ishtirok etdilar.  

Tadbirda so‘zga chiqqanlar konchilik sanoatining mamlakatimiz iqtisodiyotida tutgan o‘rni, sohada amalga oshirilayotgan islohotlar, jumladan, kombinatda innovatsion texnologiyalarni keng joriy etish,  ishlab chiqarishni raqamlashtirish, atrof-muhitni muhofaza qilish borasida olib borilayotgan ishlar, erishilayotgan natijalar haqida atroflicha maʼlumot berdilar.

Uchrashuvda kombinat va universitet vakillari maktab o‘quvchilarining korxona va oliy taʼlim muassasasi faoliyati haqidagi savollariga atroflicha javob berdilar.

“NKMK” AJ Matbuot xizmati.