• Yaratildi: 02.11.2022
• Yangilandi: 04.01.2023
• O'qildi: 3143

“NKMK” AJ 4-O‘zbekiston xalqaro kon-metallurgiya forumida ishtirok etmoqda

Toshkent shahrida 2022-yil 2-4-noyabr kunlari o‘tkazilayotgan 16-Xalqaro "Tog‘-kon ishi, metallurgiya va metallsozlik – MiningMetals Uzbekistan 2022" ko‘rgazmasi doirasida 4-O‘zbekiston xalqaro kon-metallurgiya forumi (UIMF 2022) bo‘lib o‘tmoqda.

Mazkur forumning mavzusi: Geologiya va kon-metallurgiya sanoatining zamonaviy rivojlanish tendensiyalari. Unda geologiya va kon-metallurgiya sanoatini rivojlantirishning zamonaviy tendensiyalari, yangi konlarni qidirish va rivojlantirish istiqbollari, kon-metallurgiya sanoatida ESG chaqiruvlari, uning raqamli rivojlanishi va ko‘plab boshqa masalalar muhokama qilinadi.   

 

Forumda O‘zbekiston, Avstraliya, Avstriya, Buyuk Britaniya, Germaniya, Irlandiya, Kanada, Qozog‘iston, Xitoy, Rossiya, Fransiya kabi davlatlardan 250dan ortiq vakillarlar ishtirok etmoqda.

2-noyabr kuni 4-O‘zbekiston xalqaro kon-metallurgiya forumida ilk marotaba "Navoiy kon-metallurgiya kombinati" aksiyadorlik jamiyati vakillari ishtirokida maxsus sessiya taqdim etildi.

Ushbu sessiyada “NKMK” AJ bosh direktorining transformatsiya bo‘yicha birinchi o‘rinbosari, boshqaruv aʼzosi Yevgeniy Antonov, “NKMK” AJ Resurslar bo‘yicha direktori Lyubov Yegorova, “NKMK” AJ bosh geologi Sergey Rudnev, “NKMK” AJ Axborot kommunikatsiya texnologiyalari boshqarmasi boshlig‘i Baxodir Davlatov, “NKMK” AJ Ishlab chiqarishni avtomatlashtirish boshqarmasi boshlig‘i Vohidjon Po‘latovlar ishtirok etishdi.

Sessiyada kombinatda amalga oshirilayotgan keng ko'lamli transformatsiyasi, xalqaro talablar va standartlarga muvofiq mineral resurslarni boshqarish, raqamli yechimlar yordamida ishlab chiqarish va yordamchi jarayonlar samaradorligini oshirish kabi masalalar muhokama etildi.

“NKMK” AJ Matbuot xizmati.