• Yaratildi: 18.11.2022
• Yangilandi: 18.11.2022
• O'qildi: 4004

19-23-noyabr kunlari Zomin tumanida II mediaforum o‘tkaziladi

2022-yil 19-23-noyabr kunlari Jizzax viloyat Zomin tumanidagi “NKMK” sanatoriysida “Navoiy kon-metallurgiya kombinati” aksiyadorlik jamiyati O‘zbekiston Jurnalistlari ijodiy uyushmasi bilan hamkorlikda “Milliy jurnalistika: anʼanalar davomiyligi va zamonaviylik” mavzusidagi II mediaforumi o‘tkaziladi.

Mazkur mediaforumda mamlakatimizning hududlarida faoliyat olib borayotgan 50 nafar ommaviy axborot vositalari vakillari va jurnalistlar hamda O‘zbekiston Respublikasida akkreditatsiyadan o‘tgan xorijiy jurnalistlar ishtirok etadi.

Mediaforum ishtirokchilari uchun dastlab “NKMK” AJ Janubiy kon boshqarmasi “Zarmitan” koniga press-tur tashkil etiladi. Shundan so‘ng, mediaforum Zomin tumanidagi “NKMK” sanatoriysida davom etadi. Mediaforum dasturidan xalqaro media-ekspertlarning mahorat saboqlari, shuningdek, OAV vakillari uchun sport-sog‘lomlashtirish tadbirlari o‘rin olgan.

“NKMK” AJ Matbuot xizmati.