• Yaratildi: 30.01.2023
• Yangilandi: 30.01.2023
• O'qildi: 1598

Kombinat xodimi axborot texnologiyalari sohasida eʼtirof etildi

Yaqinda Navoiy shahridagi “IT Park” Navoiy viloyati filialida axborot texnologiyalari sohasida faoliyat yuritayotgan xotin-qizlar bilan uchrashuv bo‘lib o‘tdi.  

Uchrashuvda O‘zbekiston Respublikasi oila va xotin-qizlar davlat qo‘mitasi vakili, viloyatidagi korxona va tashkilotlar, muassasalarda faoliyat olib borayotgan dasturchi xotin-qizlar ishtirokida davra suhbat hamda eng iqtidorli xotin-qizlarning loyihalari taqdimoti tashkil etildi.

Jumladan, tadbirda “Navoiy kon-metallurgiya kombinati” aksiyadorlik jamiyati vakillari ham ishtirok etdi. Taʼkidlash kerakki, “NKMK” AJ Axborot-kommunikatsiya texnologiyalari boshqarmasi muhandisi Svetlana Salamova sohani rivojlantirishga qo‘shgan munosib hissasi uchun tashakkurnoma bilan taqdirlandi.

Kombinat xodimining shu kabi eʼtirofi bugungi kunda korxonada xotin-qizlarga mehnat faoliyatini olib borish uchun yaratilgan keng qamrovli shart-sharoitlar bilan bir qatorda axborot texnologiyalari sohasini rivojlantirish yo‘nalishida olib borilayotgan amaliy ishlardan dalolat beradi.

“NKMK” AJ Matubot xizmati.