• Yaratildi: 13.06.2023
• Yangilandi: 13.06.2023
• O'qildi: 2151

Faxriylar va yoshlar uchrashuvi bo‘lib o‘tdi

O‘zbekiston Respublikasi yoshlari kuni arafasida “NKMK” AJ Markaziy kon boshqarmasi Tashqi suv taʼminoti va birlashgan energiya xizmatida yosh rahbarlar, davlat mukofoti sohiblari va yosh ishchi-xodimlar uchrashuvi bo‘lib o‘tdi.

Uchrashuvda O‘zbekiston Qahramoni F.Soyibov, NKMK faxriysi S.Nurmuratov, “Mard o‘g‘lon” davlat mukofoti sohibi D.Nomozov, “Kelajak bunyodkori” medali sohibi U.Quvondiqov, laboratoriya boshlig‘i I.Maxamatov, Markaziy kon boshqarmasi yoshlar yetakchisi S.Boboyorovalar ishtirok etdilar.

Muloqot davomida so‘zga chiqqanlar ushbu tadbirning mohiyati va tarbiyaviy ahamiyati haqida to‘xtaldilar. Shuningdek, faxriylar hayoti va mehnat faoliyati davomida to‘plagan boy tajribasi, mehnat pallasidagi mashaqqatlar, nuroniylik paytida ko‘rsatilayotgan hurmat-ehtirom haqida o‘z dil so‘zlarini, samimiy fikrlarini bildirdilar, hayotiy tajribalaridan kelib chiqib yoshlarga taklif va tavsiyalar berdilar.

Uchrashuvda yosh ishchi-xodimlar o‘zlarini qiziqtirgan savollarga batafsil javoblar olishdi.

“NKMK” AJ Matbuot xizmati.