• Yaratildi: 17.08.2023
• Yangilandi: 17.08.2023
• O'qildi: 3029

Qizilqum kengliklarida barpo etilgan zavod

Qizilqum kengliklarida joylashgan 5-gidrometallurgiya zavodi so‘nggi yillarda mamlakatimizda Navoiy kon-metallurgiya kombinati tomonidan barpo etilgan yirik sanoat korxonalaridan biridir.

2021-yilda “Auminzo-Amantoy” oltin koni negizida ishga tushirilgan zavodda yiliga 5 mln tonna sulfidli va oksidli maʼdan qayta ishlanmoqda. Mazkur zavodning noyobligi shundaki, unda yangi texnologiya joriy etilgan, yaʼni kislorodli-ohakli oksidlash asosida oltin ajratib olinmoqda. Zavodda texnologik jarayonlar to‘liq avtomatlashtirilgan.

Belgilangan rejalarni muntazam bajarishda ishchilar, mutaxassis va rahbar xodimlarning malaka va tajribasi muhim ahamiyat kasb etadi. Hozirda 5-gidrometallurgiya zavodida 1,2 ming nafarga yaqin ishchi-xodimlar mehnat qilmoqda. Korxona jamoasi asosan 30 yoshgacha bo‘lgan yoshlardan tashkil topgan.

“NKMK” AJ Matbuot xizmati.