• Yaratildi: 09.10.2023
• Yangilandi: 10.10.2023
• O'qildi: 2425

Muhim investitsion loyiha amalga oshirilmoqda

Bugungi kunda “Navoiy kon-metallurgiya kombinati” AJ tomonidan maʼdan qazib olish va qayta ishlash quvvatlarni kengaytirishga qaratilgan  yirik investitsion loyihalar bosqichma-bosqich amalga oshirilmoqda.

Jumladan, 2022-yilda Tomdi tumani hududida “Balpantov” konini o‘zlashtirish bo‘yicha oltin tarkibli maʼdan qazib olish ishlari boshlangan edi. Loyiha doirasida mazkur kondan yiliga 1 mln tonnadan ortiq maʼdan qazib olish rejalashtirilgan.

O‘tgan vaqt mobaynida “Balpantov” konidan qariyb 6,5 mln kubometr tog‘ jinslari qazib olinib, qariyb 1,3 mln tonna maʼdan temir yo‘l orqali 2-gidrometallurgiya zavodiga qayta ishlash uchun yetkazildi. Hozirda mazkur konda maʼdan qazib olish ishlarida ekskavator, avtoag‘dargichlar, burg‘ilash uskunasi, frontal yuklagichlar kabi zamonaviy konchilik texnikalaridan keng foydalanilmoqda.

Bunday istiqbolli loyihalar kombinatni rivojlantirish bilan birga, qimmatbaho metal ishlab chiqarishni ko‘paytirishga xizmat qiladi.

“NKMK” AJ Matbuot xizmati.