• Yaratildi: 19.10.2023
• Yangilandi: 19.10.2023
• O'qildi: 1588

Jamoatchilik kengashi yig‘ilishi o‘tkazildi

18-oktabr kuni NKMK xodimlari kasaba uyushmasi Kengashi majlislar zalida “Navoiy kon-metallurgiya kombinati” AJ huzuridagi Jamoatchilik kengashining yig‘ilishi bo‘lib o‘tdi.

Yig‘ilishda Jamoatchilik kengashi, shuningdek, ochiqlikni taʼminlash bo‘yicha ekspert guruhi hamda korrupsiyaga qarshi kurashish bo‘yicha ekspert guruhi aʼzolari ishtirok etdilar. Unda mazkur kengash raisi I.Rahmatov kun tartibidagi masalalar hamda kengash va guruhlar aʼzolari tomonidan amalga oshirilishi lozim bo‘lgan ishlar va kelgusi yildagi rejalar xususida axborot berdi.  

Shuningdek, kun tartibida kengash ish rejasini tasdiqlash yuzasidan Jamoatchilik kengashi raisi o‘rinbosari X.Raupov, ochiqlikni taʼminlash bo‘yicha ekspert guruhi aʼzosi, “Konchilar hayoti” gazetasi muharriri N.Sadriddinov va korrupsiyaga qarshi kurashish bo‘yicha ekspret guruhi aʼzosi, Komplayens xizmati bo‘limi boshlig‘i A.Bozorovlarning taklif-mulohazalari tinglandi.

Yig‘ilish yakunida barcha masalalar yuzasidan tegishli qarorlar qabul qilindi.  

“NKMK” AJ Matbuot markazi.