• Yaratildi: 25.10.2023
• Yangilandi: 30.10.2023
• O'qildi: 2439

Kombinat “ICTWeek Uzbekistan – 2023” AKT haftaligida taqdirlandi

24-27-oktabr kunlari Toshkent shahrida raqamli texnologiyalar sohasida Markaziy Osiyodagi eng katta tadbirlardan biri  – “ICTWeek Uzbekistan – 2023” AKT haftaligi o‘tkazilmoqda.

Mazkur xaftalik doirasida Raqamli hukumat loyihalarini boshqarish markazi tomonidan “Raqamli hukumat – hukumat insonlar uchun” sammiti tashkil etildi. Ushbu sammitda Birlashgan Millatlar Tashkiloti ekspertlari, Xitoy, Koreya, Qozog‘iston kabi davlatlardan vakillar qatnashdi. Mahalliy ekspertlarning taqdimotlari tinglandi.

Tadbirda “raqamli hukumat”ni qurishda faol ishtiroki bor, raqamlashtirishda samarali natija ko‘rsatgan davlat tashkilotlari va xo‘jalik boshqaruv organlari taqdirlandi. Quvonarlisi shundaki, “Navoiy kon-metallurgiya kombinati” AJ “Raqamli texnologiyalarni joriy etish bo‘yicha eng yaxshi xo‘jalik organi” nominatsiyasida taqdirlandi.

“NKMK” AJ Matbuot xizmati.