• Yaratildi: 11.11.2023
• Yangilandi: 11.11.2023
• O'qildi: 2079

“NKMK 65 yillik” bog‘i barpo etildi

Ayni kunlarda mamlakatimiz bo‘ylab yashil maydonlarni kengaytirish, joylarda ekologik vaziyat va havo tozaligini yaxshilashga qaratilgan “Yashil makon” umummilliy loyihasini amalga oshirish bo‘yicha keng ko‘lamli ishlar amalga oshirilmoqda.

Taʼkidlash joizki, Navoiy kon-metallurgiya kombinati ishchi-xodimlari korxonalar joylashgan hududlarda yashil maydonlarni yaratish, ko‘kalamzorlashtirish ishlarida doimiy faol ishtirok etmoqda. Jumladan, joriy yilning bahor mavsumda kombinat bo‘linmalari tomonidan 160 mingtadan ortiq mevali, manzarali daraxt va buta ko‘chatlari o‘tqazildi. Shu yilning kuz mavsumida esa 280 mingdan ziyod mevali, manzarali daraxt va buta ko‘chatlarini ekish rejalashtirilgan.

Bugun “Yashil makon” umummilliy loyihasi doirasida Navoiy  kon-metallurgiya kombinati tashkil topganligining 65 yilligi munosabati bilan Karmana tumanida joylashgan “Do‘stlik” agrofirmasi hududidagi 8 gektar maydonda kombinat ishchi-xodimlari va yoshlari tomonidan “NKMK 65 yillik” bog‘i barpo etildi. Ushbu bog‘da 15 mingta mevali daraxt ko‘chatlari o‘tqazildi. Bu kabi xayrli ishlarni amalga oshirish o‘zimiz uchun ham, atrofdagilarimiz uchun ham har tomonlama foydalidir.

 “NKMK” AJ Matbuot xizmati.