• Yaratildi: 21.11.2023
• Yangilandi: 21.11.2023
• O'qildi: 2076

Kombinat va BCG mutaxassislari Qozog‘istondagi korxonaga tashrif buyurishdi  

15-16-noyabr kunlari “NKMK” AJning Transformatsiya dasturi doirasida kombinat mutaxassislari Boston Consulting Group xalqaro konsalting kompaniyasi vakillari bilan birgalikda Qozog‘iston Respublikasidagi “Qozoqmis” korporatsiyasining Jezqazg‘an boyitish fabrikasiga tashrif buyurishdi.

Tashrif davomida Jezqazg‘an boyitish fabrikasi mutaxassislari tomonidan korxonaning texnologik jarayonlarida qo‘llanilayotgan zamonaviy uskunalar hamda flotatsiya jarayonlarini avtomatlashtirish tizimlarining ishlashi namoyish etildi.    

Kombinat mutaxassislari, jumladan, Shimoliy kon boshqarmasining 3-gidrometallurgiya zavodi va Ishlab chiqarishni avtomatlashtirish boshqarmasi xodimlari mazkur tizim va uskunalarning sanoat sharoitida ishlash samaradorligi va foydalanish xususiyatlari hamda ularni 3-GMZda qo‘llash imkoniyatlarini baholash imkoniyatiga ega bo‘lishdi.

“NKMK” AJ Matbuot xizmati.