• Yaratildi: 28.11.2023
• Yangilandi: 28.11.2023
• O'qildi: 2096

Kombinat vakillari MINEX Eurasia anjumanida qatnashdi

27-noyabr kuni Buyuk Britaniyaning poytaxti London shahrida “Armaniston, Mo‘g‘uliston, Qozog‘iston, Qirg‘iziston va O‘zbekistonda foydali qazilmalarni barqaror qazib olish” mavzusida “MINEX Eurasia” 11-anjumani o‘tkazildi.

Mazkur anjuman Markaziy Osiyo, Kavkaz va Mo‘g‘ulistonda tog‘-kon sanoati va investitsiyalarga bag‘ishlangan muhim tadbirdir. Anjuman xalqaro konchilik va metallurgiya kompaniyalari, investorlar, moliyachilar, davlat boshqaruvi organlari va xizmat ko‘rsatuvchi kompaniyalar uchun mo‘ljallangan bo‘lib, Buyuk Britaniya va xalqaro miqyosdagi ishtirokchilarni jalb qiladi.

Tadbirda O‘zbekiston Respublikasi Tog‘-kon sanoati va geologiya vazirligi boshchiligidagi mamlakatimiz delegatsiyasi ishtirok etdi. Delegatsiya tarkibida “Navoiy kon-metallurgiya kombinati” AJ vakillari ham anjumanda ishtirok etishdi. Hususan, anjumanda kombinat bosh direktorining transformatsiya masalalari bo‘yicha birinchi o‘rinbosari E.Antonovning mavzuga oid maʼruzasi tinglandi.

 “NKMK” AJ Matbuot xizmati.