• Yaratildi: 13.12.2023
• Yangilandi: 13.12.2023
• O'qildi: 2450

Micromine kompaniyasi vakillari bilan uchrashuv

“NKMK” AJning Toshkent shahridagi vakolatxonasida kombinat rahbariyati va Avstraliyaning Micromine kompaniyasi vakillari uchrashuvi bo‘lib o‘tdi.

Uchrashuvda kombinat raqamli transformatsiyasining strategik jihatlari muhokama qilindi. Jumladan, kombinatda ish samaradorligini oshirish maqsadida amaldagi loyihalarga zamonaviy texnologiyalarni integratsiyalash muhimligi taʼkidlandi. Shuningdek, uchrashuv davomida kombinat raqamli transformatsiyasi doirasida ikki tomonlama hamkorlikni yanada rivojlantirish istiqbollari ko‘rib chiqildi.

Maʼlumot uchun, Micromine kompaniyasi konchilik muhandisligi va jarayonlarni optimallashtirish bo‘yicha raqamli yechimlari bilan mashhur. Kompaniya deyarli barcha qazib olish jarayonlarini qamrab oluvchi keng turdagi mahsulot va xizmatlarga ega.

“NKMK” AJ Matbuot xizmati.