• Yaratildi: 18.03.2024
• Yangilandi: 18.03.2023
• O'qildi: 1435

“Yashil makon” umummilliy loyihasi – amalda

Mamlakatimiz bo‘ylab yashil maydonlarni kengaytirish, joylarda ekologik vaziyat va havo tozaligini yaxshilash bo‘yicha amalga oshirilayotgan “Yashil makon” umummilliy loyihasi doirasida 2024-yilning 12-martidan 12-apreligacha “Navoiy kon-metallurgiya kombinati” AJda ko‘kalamzorlashtirish va obodonlashtirrish ishlari bo‘yicha “Dolzarb bir oylik” eʼlon qilindi.

16-18-mart kunlari “Obod va fayzli mahalla – yurt ko‘rki” shiori ostida o‘tkazilayotgan umumxalq xayriya hashari va “Yashil makon” umummilliy loyihasi doirasida Nurota tumanidagi “Pistali” koni, 6-gidrometallurgiya zavodi hududida ko‘kalamzorlashtirish ishlari amalga oshirildi.

Navoiy sanoat maydoni bo‘linmalarining 300 nafardan ortiq ishchi-xizmatchilarining saʼy-harakatlari bilan cho‘l sharoitiga mos 10 ming tupdan ortiq daraxt ko‘chatlari va butalar o‘tqazildi. Muhimi, atrof-muhitni muhofaza qilish maqsadida bu yerda “Yashil belbog‘” barpo etildi.

“NKMK” AJ Matbuot xizmati.