• Yaratildi: 29.06.2021
• Yangilandi: 06.07.2021
• O'qildi: 1206

Yoshlar forumi davom etmoqda

28 iyun kuni Navbaxor tumanidagi “Sarmish” bolalar sog‘lomlashtirish oromgohida Navoiy kon-metallurgiya kombinati hamda “Issiqlik elektr stansiyalari” AJ tashabbusi bilan Yoshlar oyligi doirasida o‘tkazilayotgan “Birgalikda biz bir kuchmiz!” xalqaro yoshlar forumi davom etdi.

Forumning ikkinchi kunida ishtirokchilar Nurota tumanidagi “Chashma” tarixiy majmuasini ziyorat qilishdi. Shuningdek, forumda qatnashayotgan yoshlar uchun “Zakovat” intellektual o‘yini, yetakchilik qobiliyatini shakllantirish va jamoada ishlash bo‘yicha treninglar, rassomchilik bo‘yicha mahorat darsi, futbol, voleybol, stol tennisi, shaxmat-shashka bo‘yicha musobaqalar, “Quvnoqlar va zukkolar” ko‘rik tanlovi va boshqa madaniy tadbirlar tashkil etildi.

NKMK Matbuot markazi.