• Yaratildi: 21.02.2022
• Yangilandi: 21.02.2022
• O'qildi: 1448

Davlat dasturini amalda

2022-2026-yillarga mo‘ljallangan Yangi O‘zbekistonning taraqqiyot strategiyasining uchinchi yo‘nalishi milliy iqtisodiyotni rivojlantirish va uning o‘sish surʼatlarini zamon talablari darajasida taʼminlash bo‘lib, buning uchun mamlakatda investitsiya muhitini yanada yaxshilash va uning jozibadorligini oshirish vazifasi belgilandi.

Mazkur hujjatdan “Navoiy kon-metallurgiya kombinati” aksiyadorlik jamiyatiga daxldor vazifalar o‘rin olgan. Bu, mamlakatimiz kon-metallurgiya sanoatini yangi bosqichga olib chiqadi.

Xususan, 2022-2026-yillarga mo‘ljallangan Yangi O‘zbekistonning taraqqiyot strategiyasini “Inson qadrini ulug‘lash va faol mahalla yili”da amalga oshirishga oid Davlat dasturining 76-bandida xorijiy mutaxassislar bilan birgalikda mis sanoati klasterini rivojlashtirish konsepsiyasi, 2026-yilgacha kon-metallurgiya mashinalari, texnika va uskunalarining yangi turlarini yaratish bo‘yicha dastur, kon-metallurgiya sanoati sohasida ekologik talablar va atrof-muhit muhofazasi meʼyorlarini ishlab chiqish, mis sanoati klasteriga kadrlarni tayyorlash nazarda tutilgan.

Dastur doirasida “NKMK” AJ tomonidan Navoiy shahrida “Biznesga ko‘maklashish markazi” tashkil etiladi hamda tadbirkorlarni biznes yuritishga o‘rgatiladi.

Kombinat jamoasi hamisha davlat dasturlarida belgilangan vazifalarni muvaffaqiyatli amalga oshirib kelmoqda. Jumladan, 2022-2026-yillarga mo‘ljallangan Yangi O‘zbekistonning taraqqiyot strategiyasini 2022-yil – “Inson qadrini ulug‘lash va faol mahalla yili”da “Navoiy kon-metallurgiya kombinati” aksiyadorlik jamiyatida amalga oshirishga oid 8 ta bo‘lim, 42 ta banddan iborat 44,4 mlrd so‘m va 486 mln AQSh dollar sarflanishi ko‘zda tutilgan  chora-tadbirlar dasturi amalga oshirilmoqda.  

“NKMK” AJ matbuot xizmati.