• Yaratildi: 18.07.2022
• Yangilandi: 18.07.2022
• O'qildi: 2276

Geologlar uchun yangi bino barpo etildi

Joriy yilning 18-iyul kuni “Navoiy kon-metallurgiya kombinati” aksiyadorlik jamiyati Geologiya-qidiruv ekspeditsiyasi Markaziy geologiya-qidiruv partiyasining yangi maʼmuriy binosi foydalanishga topshirildi.

Shuningdek, Markaziy geologiya-qidiruv partiyasi hududida geologik namunalarni saqlash ombori, zamonaviy maydalash va geologik namunalarni kesish stanoklari bilan jihozlangan yangi binolar ham barpo etildi.

Tadbirda taʼkidlanganidek, kombinat tomonidan yangi obyektlarni qurish va ularni jihozlash uchun 2,5 mlrd so‘mdan ortiq mablag‘ yunaltirildi. Ikki qavatli maʼmuriy binoda ishlash uchun barcha zarur shart-sharoitlar yaratilgan.

- Geologik namunalarni saqlash omborida mutaxassislar tomonidan namunalarni birlamchi o‘rganish bo‘yicha kompleks tadbirlar o‘tkaziladi va ushbu o‘rganishlarning natijalari tizimlashtiriladi. Namunalar va ularni o‘rganish davomida olinadigan maʼlumotlarni saqlash korxonamizning muhim vazifalaridan biridir. Yangi maydalash va geologik namunalarni kesish stanoklarida erkaklar qatorida ayollar ham ishlash imkoniga ega. Kombinat rahbariyati tomonidan korxonamiz ishchi-xodimlari uchun qulay mehnat sharoitlarni yaratish va yaxshilashga yetarlicha etibor qaratilmoqda, - dedi “NKMK” AJ Geologiya-qidiruv ekspeditsiyasi Markaziy geologiya-qidiruv partiyasi boshlig‘i H.Usmonov.

“NKMK” AJ matbuot xizmati.